زعل الرشيدي
سلام رديتن والكـل واحـد هـواه . . .
اعـداد ماهلـت الغيمـه بديمومهـا
كلن يبي يظهر الليله على مستـواه . . .
وياكثر ناس تبي تصحى من احلومها
ثنيان الرشيدي
يامرحبا بنجمنا اللي مايغيـم سمـاه . . .
يومن بعض الاوادم غابت انجومهـا
انا صديقك وخصمك والبحر ملح ماه . . .
والمعركه بيننـا تـوه بـدا يومهـا
زعل الرشيدي
فيك البقا ياشموخن مثل شم السـراه . . .
تقضي لزومي وتقضي منك ملزومها
البحر لهو كبير الليـل دك وغشـاه . . .
منه الاوادم تصيد وتغسل اهدومهـا
ثنيان الرشيدي
انته زعلنا حبيب وزود الله حـلاه . . .
متكلم من الوادم غيـر زيزومهـا
لاون هداج مايروي مانـارد لمـاه . . .
لاكن دياره نشوف العشب بحزومها