انتـي وبس
انتـي وبس اللــي لك القلب خفـاق=انتي وبس الخالده فى كياني
انتـي وبس بدونـك ايــــامــي اقلاق=انتي وبس وفى لقاك الاماني
انتي وبس الشمس فى لحظة اشراق=انتي وبس اصداف لؤلؤ زماني
انتـي وبس الكــون كله والافــــاق=انتي وبس جروح تنزف معاني
انتـي وبس اعذب من السيـل لاراق=انتي وبس اصدق رموزالحناني
انتـي وبس ولـك على طول مشتاق=انتي وبس الشوق يمك دعاني
انتـي وبس ونشـوة الشـوق ميثاق=انتي وبس ويرفض القلب ثاني
انتـي وبس المــــك حروف ووراق=انتي وبس اغرب شعوراحتواني
حمود البراهيم(العميل السري)
أوراق الغلاء
على ذكراك من لهفت عيون ودهالقياك*تخيلتك على شاشة خيال الفكرقدامي
توقعت انهالحظة وصالٍ صادقه وياك*جمعت لك اروع أوراق الغلاء في غفلةايامي
قضيت الليل مع وقع الخيال ولا لحقت اقصاك* اقلب صـــــورتك فى ناظرٍ غبتى ولانامي
تهادى نظرتى مابين طرفك والهدب وشفاك*وتلاش بين وجنات الخدود ونحرك الزامي
لهت فيك العيون وسطرت بهدابها ذكراك* عساها تلتهى بك عن خيالٍ راح مادامي
نحى بك خيالك بعدماطال اللقاء وخفاك* على ضوءالشروق اقراءحقيقة نشوة احلامي
دريت اني اعيش اوهام قلبٍ ماقوى فرقاك* شكى فى غيبتك جرح الزمان وهم والامي
حياتى ينحنى ضيم الليال وشقاء لرضاك* يتوق لك الخفوق اللى شقى بالحب ونظام
حياتى كل مامرت على قلب العنا طرياك* تجدد بة صوابة ونفتح بة جرحة الدامي
حياتى كان تيارالغلاوالشوق ساق اخطاك* على نفس الطريق اللى تلاقت فية الاقدامي
انا كلي امل وانت الامل يمي تجي برضاك *لعلك في وصالك تحيي اوراق الغلا الظامي
حمود البراهيم (العميل السري)
نفح الغلاء
يامن جعلت جروح قلبي مديمه
مستعمره بأوامرك قلب مطيع
كل الجروح الحاظره والقديمه
ما فيه جرح ما حمل منك توقيع
دوك المشاعر في غيابك يتيمه
يكفي تعال ولا تزيد المواجيع
تخيلي نفح الغلاء يارحيمه
وتذكري أخر للقاء والتواديع
والليل والقمرا وخل ونديمه
والهاجس اللي فك كل المواضيع
حمود البراهيم(العميل السري)
يادوي الصرخه
هــلابــــك يادوي الصرخه اللي عانقت دنياي
هــلابـــــك يافرح شتت قدومك لمة احزاني
هــلابــــك ياضيــــاء بدرًا يداعب ضحكةمحياي
هــــــلا والله بضــــيفٍ وزع الفرحه بوجداني
هــلابـــــك يا امل باكر هــلا يا غايتي ومناي
هـــلا بحــــلم السنيـــــن ومرحبا ياقـــرة اعياني
هــلاكثــر النجــوم وكثر ماهل السحاب الماي
هــلا كثر الحجيـــج وكثر من جاء للحرم عاني
مسحت بصرختك حزني نثرت الوردفوق اخطاي
نسيت بشــوووفتك همــي وتعاطيت الفرح ثاني
رسمت الشوق باعماقي بقدومك والفرح بشفاي
ومراســيم البرءاه ضحكةٍ صارت لي اوطــاني
هلابـــك ياهلا مــاهر هلابــــك ياعطاء مولاي
هلابــــك مرحبا مليــون هلا يابلسسم احزاني
حمودالبراهيم (العميل السري)
الحلــــــــــم
يابنت انا وأنتي لنا الحزن مكتوب
واللي تمنينـــا لـنا مـــــــا تهيـــا
يوم التقينا وقالب الحزن مسكوب
قمنا (نبي) نسكب بقــــاياه عيــــا
ورحنا بصوب وراحت أمالنا صوب
حتى تقاسمنــا الحـزن بـ سويــــــا
ساقت بنا الخطوه على كل مسحوب
من وين مـــــالاح الفرح قلت هيـــا
كلٍ بعـــالم صاحبه حاول يذوب
لين التقت وجهة نظــرنــــا بليــــا
نسعى لحلمٍ صار مقصد ومطلوب
يبقى لنــا عن وجه الاحــزان فيـــــا
رجـــواك يا من رد يوسف لـ يعقــوب
يا ميد بـ نصرك رســـــول ونبيــــــا
تلطف بنا يا فارج ٍكربة أيـــــوب
وتنيـــــــر ضلمــانـا بقنديل ضيــــــا
ومن(الستر) تضفي على حوالنا ثوب
ونقــــول (حـــــلـم) وبالحقـــيقه تهيـــا
حمود البراهيم (العميل السري)
صدرالليل
تكاشف بروق السحاب المراديم
وينفج صـــــدرالليل باقبـــال نوره
نوره وفي نوره تضيـــــع المفــــاهيم
في ســــاعةٍ كل يمـــــــيز حضوره
وسط الحفل وأهل الحفل والمعازيم
من يوم طلت صاحت الناس نوره
مربــوعــــة فيها النـــظر وده ايقيم
الو استبـاحت بالــدلال معذوره
ترقاءسنودالياانحنى الخصر وتظيم
ردايفٍ تغري الفظــول وتجوره
الغت معالم نـوف وغزيل وريم
بعقولهن حطت لها الفين صوره
لو به جريمه ترتكب دون تحريم
شفت الحيـــاه من الجريمه غيوره
ولو الحضوراعطـواء للانظارتقييم
عينٍ على نوره والاخرى لـ نوره
حمود البراهيم(العميل السري)