اقتباس من مشاركة عايض بن صالح
السلام عليكم ورحمة الله وبركاته
كـــــــل عــــــام والــــجــــمــــيـــــع بــــخــــيـــر
تقبل الله منا ومنكم صالح الاعمال
اليكم هذه الابيات المهداه الى الاخ سلوم محمد بن خلف(ابو ممدوح)
سلام الله على رجل المواقف صاحبي سلّوم= ابو ممدوح لاعدو هل الوقفات عديته
يبين الرجل من فعل المكارم والعلوم علوم=وانا لاشفت راع الطيب وسط الناس سميته
ابيه ايصير باكر عند قوماً تجهله معلوم=وهذا اقل واجب لجل راع الطيب سويته
صدق من قال للعالم تقاليد وطبع وسلوم=وانا لهل المرؤه هكذا طبعي تبنيته
وابو ممدوح مثل اسم ابنه اللي صارله مكلوم=لو انك ماتبى توفيه حقه فيه نبيته
ياكثر الطيب اللي في زمان العولمه مضلوم=عنه محجوبه الانوار والصوره مخفيته
وطاك اللوم ياللي ترخص الطيب وطاك اللوم=لو انه من سعف وتراب طينه مبتني بيته
ترى الرويا لها تفسيرها والا الحلوم حلوم=وانا قافي من اهل الطيب طيبته وقهويته
|
الحمدلله اللي ماحد سبق سبع الخلا الضاري عليك هههههههه
الشاعر الكبير المبدع عايض شهادتي فيك محرقه مجروحه
عزالله انها نادرة كعادتك
وياكثر الطيبين اللي ماوضحت صورهم ولكن رجال الطيب شرواك يعدون اهل الوفاء والطيب
عاد عيدك وصح لسانك على هالذهبية