??????الحـرّ حـرّ ويجذبه طيب مجنـاه
وينومسـه فعلـه على كلّ هـدّه
والنّـذل تعـرف مرّته من مخـاواه
في (مـرحـبا) ودّه ولا هو بـودّه
محـد ٍتخـيّر لـه رجـال ٍمنقّـاه
لاشـك لا شفت أبيض الوجه بـدّه
تحـدّك الخــوّه على اللّي تحاشـاه
وعـزّي لمـن سود الليالي تحـدّه
مـا ينكر المعروف والطيب والجـاه
الاّ الـرّدي وأهل السلوم المصـدّه
لـو كـلّ مـن دوّر على شي يلقـاه
ما كان يوصل فايض الشوق حـدّه
والصاحب اللي لا مشى يحسب اخطاه
اللّـي يبادلنـي شعــور المـودّه
ثبّـت غـلاه وثبّـت القلـب مبنـاه
ومشـاعـري في شوفته مستعـدّه
ياجعلنـي مـا ذوق حزنـه وفرقـاه
وياليتني مـا بيـن رمشه وخـدّه
يسـوى عيـوني والمعـاليق تفـداه
ومن لامنـي فـ غـلاه الله يلـدّه