[ذبحني غروركـ]

فمـان الله ياحـبٍ دفنتـه بآخـر آعمـاقـي
فمان الجرح ياجرحٍ يـروح العمـر مايبـرى

فمان الشك وظنـون نـوت تاخـذك لفراقـي
فمان الغدر ياشخصٍ يمينـه خانـت اليسـرى

لك الله مابقى عندي سوى هالحبـر واوراقـي
أبكتب ضحكتي كذبه واخلي هالحـزن يقـرى

تساوت بعدك الدنيا(همـومٍ تنـوي اغراقـي )
فقدك ياخلف حيي ،،فقـدت أحلامـي العـذرا

عليـك الله لامنـي ذكرتـك تبكـي أحداقـي
تذوب الروح من بعدك صحارى خاليه قفـرا

يموت من الضما قلبي ولا يروينـي الساقـي
وأنا معنى حروف أسمي رذاذ الغيمه المطـرا

حظنتك ياطفل روحي مابين البعـد وأشواقـي
حظنت اللي بقى منك ،،حظنت الجرح والذكرى

فمـان الله ياحـبٍ امـوت ويستمـر بـاقـي
فمـان الله يادنيـا (كئيبـه ليلـة المسـرى )