مرحوم ياشيخ(ن)قضى العمر بالدين
مرحوم ياشيخ(ن)قضى العمر بالدين=شيخ(ن)قضى عمره على الدين كله
هذا هو اللي ينعي بالدواوين=واللي قليل اللي ينوب ابماحله
اللي يعادل في وجوده ثمانين=رجال واللي تابعه مايمله
مرحوم يازين انبا و العناوين=ياللي ملكة الطيب دقه وجله
ان مانعاك الشعر عساه للبين=انت الذي تنعى بقناه ومجله
وانت الذي تبكي على موتك العين=ولا تلام يوم الدمع لجلك تهله
وينعاك معنا الدين وارض الحرمين=ياعز من في دنيته صاحبله
صحيح بنا من غيابك مصابين=والموت حق وكل(ن)مواجهله
وراضين بامر الله والحق راضين=والله يظله تحت عفوه وظله
آخر تعديل بواسطة ابن الشيوووخ ، 08-10-2007 الساعة 07:34 PM.
|