اخواني زوار هذا الصرح الشامخ متابعين كل جديد لهذا الموروث الشعبي
اترك لكم هذه الابيات لكي تتمتعون بها وهي للشاعر / مذكر العايضي
على الله كل ما سج الفكر ثم مرني طاريك = على الله ياعيونن ما هتنت في شوف صاحبها
ثلاث أشهور مرت ما هتنى في شوفتك غاليك = ثلاث اشهور يالهاجر مع احبابك مخربها
تروح ولا تخبرنا وش الي صايرن وشفيك = تغيب وتترك احبابك تمنى شوف غايبها
صحيح اشغلت بالي لكن الدعوى بها تشكيك = اشك ان الثقه هالوقت ماتعرف مضاربها
لك الله من رحلت وقلبي العاشق مولع فيك = وشايل ضيقه بصدري ولا ادري وش عواقبها
دخيلك لا تطول غيبتك ترى مذكر ما هو ناسيك = اخاف ان الزمن يلحق همومي مع مصابيها
دمتوا كما تحبون