[فهد المويسه]

انا اللي في ضفافك يالخليج الغايـب الموجـود . . هذا جسمي ونفسـي ياعلـم الله كيـف واقعهـا

اشوفك في عيوني وتخيـل للهضـاب السـود . . هضاب (ن) من خشوم الغر سابحة(ن) مدامعها

بذيك الديره اللي ينتشـر فيهـا طيـاح الـذود . . الايازينهـا مثـل الاهلـه فــي مرابعـهـا

مضارب عبس مرويت القنا والاحدب المجرود . . قدم قطم التـوادي كـل قـرم النفـس بايعهـا

حموهـا بالمشـوك مافـرد منهـا ولامفـرود . . تفلـي بالحمـى واللـي غزاهـا مايروعـهـا

اهلها البدوعاشو من لبنها اعقـود بعـد اعقـود . . معاشـو بالمدينـه وستفـادو مـن مصانعهـا

رضاهم هو رضاها دايم(ن) يبونهـا فـي زود . . وهـي والله تراهـا تستحـق اللـي يدلعـهـا

ماهي سلعة محرج ورث عود(ن)من سلايل عود . . لبنهـا حلـو محـلا مـن لبنهـا الاطبايعهـا

عسى وبل المزون اللي من المنشى تدن ارعـود . . يغسـل اشعافهـا ويسيـل الوبلـي مراتعـهـا

للشاعر محمد سلمان الوهيداني

وسلامتكم

وتقبلوو سلامي

الموضوع الأصلي: مضارب عبس مرويت القنا لــ محمد سلمان الوهيداني | | الكاتب: فهد المويسه | | المصدر: شبكة بني عبس