الحال في غيبتك تصعب علـى الكافـر
لوقلت وشلون؟!.أقول الله من الضيقـه
القلب مسكين عقبـك يكسـر الخاطـر
يارب..وشلـون شلـنـه معاليـقـه؟
سافرت عنـي وعقلـي ودع وسافـر
لو شفت غصن الحشا عقبك نشف ريقه
ياكثر من قال لي إصبـر يجـي باكـر
ياعلهـم للعمـى هالبعـد مـا طيقـه
أروح فـدوه لخاطـر شعـرك الثايـر
اللي سـواده مثـل حظـي وتوفيقـه
ياكبرهـا يارفيقـي طيحـة الشاطـر
لاضـاع دربـه ولا حصـل طواريقـه
هي ضيقة الصدر وإلا ضيقة الخاطـر
والله مـدري ولكـن ضيقـة بضيقـه