[السبع الضاري]

اقتباس من مشاركة المعزب المعزب يشرح للعمده وضع حياته بكل صراحه ويطلب من الشاعر الكبير ابوتركي مجاراته والشرح عن حياته للتعرف عليه اكثر تقبل تحيات تلميذك المعزب البرق يالعمده على اثنان لاحي=راع اثقب الفيضه يخايل رفيفه نقع المزون الغر بخشاً قراحي=على المصامد والديار النضيفه دار المعزب وقت والا وراحي=ياما قضيتبها اشتاي ومصيفه راعي غنم شاوي وادرهش واتاحي=وافعطلها صوب الحلاه المنيفه (عدولتي) فيها الحليب السراحي=احمر اسقاها جلد مدبوغ ليفه من( دوح) في بطحا شعيبه مداحي=غاداً من (البله) سوات القطيفه وبيت الشعر تلفح عليه الرياحي=منها رواق البيت مثل السفيفه لولا (اوتاد)( الطنب) مثل الرماحي=ماخلته هوج الرياح العنيفه كم مرتاً من قوق واليه طاحي=لولا (الطريقه) (واسطه) منه خيفه ههههههه ويقطبونه لانوو للمراحي=من شأن ماتدخل على البيت حيفه داراً خلا والليل كله اشباحي=تسمع قنيب الذيب والا شخيفه واحيان تسمع للرعايا صياحي=وهجت قطيع اظعانهم له وحيفه ليل سروي حتى يبين الصباحي=لو ان مافيها خساير كليفه هذي حيات البدو حلو وملاحي=داراً دهر واحيان داراً مريفه والموت ياراع الكويت الذحاحي=(اليافرد) جار الوليف واليفه انشهدنه يوم ماهو بصاحي=خلا العيون من العباير كفيفه ياللي قضاء عمره بدار الصباحي=من صغر سنه عايشاً بالوضيفه مدري عنه لاصوتو بالفلاحي=هو ينسدح والا يفل الصحيفه ههههههه

الله الله الله ياساتر كل المفردات والكلمات اللي تغذا عليها ابا الخلا جبتها بهالمدوية هههههههه
اشهد ان هذا الشعر اللي ماخلطه قشاش
اسمع يالمعزب ترا اسمها (متوجة الوشاح)
واستلم مجاراة بسيطة تعتبر مشاركة ،لو اني مخالف باللحن..........

اتواضا بالسما..وهني خفاق الجناحي=لانوا خاوا الرياح اللي لها صفق و وحيفه

مايكلفه المجي ولايكلفه المراحي=ماافترش زل الهموم ولاألتحف منها قطيفه

صرت من بين الروابع مثل عظم امضيمضاحي=من ظهر بنت الهوا بشداد مومية السفيفه

انفرد ريم الخيال ابر وسعي وانشراحي=مير ربي ما عقل منه الثمين ولا النصيفه

شاعر المعنى المعزب جاب شيء ٍ كان ماحي=لهجة ٍ لاقمت اسولفها على ربعي خفيفه

كنها نفح العبير أليا تفتح بالصباحي=واطرقه لفح النسيم بحاجر ٍ نجنج عطيفه

عاد ذكراها عليه في (متوجة الوشاحي)=شاردة عفر السوابق متعة النفس الشريفه

ماعسفها ألا ابدوي ٍ عِشّرَهْ ملي المراحي=تدّحم من كثرها لاحدرت وادي حنيفه

أشهد انه عقب هذي شاعر ٍ ماهو بصاحي=واشهد انه مايصيد ألا العسيره والكليفه

ياسلام الله عليه اعداد حي على الفلاحي=من شعور ٍ ماتترجمها القريحه والوصيفه

أخووووووووووووووووك سبع الخلا الضاري