[ناصر خنيفر]

اقتباس من مشاركة المعزب المعزب يشرح للعمده وضع حياته بكل صراحه ويطلب من الشاعر الكبير ابوتركي مجاراته والشرح عن حياته للتعرف عليه اكثر تقبل تحيات تلميذك المعزب البرق يالعمده على اثنان لاحي=راع اثقب الفيضه يخايل رفيفه نقع المزون الغر بخشاً قراحي=على المصامد والديار النضيفه دار المعزب وقت والا وراحي=ياما قضيتبها اشتاي ومصيفه راعي غنم شاوي وادرهش واتاحي=وافعطلها صوب الحلاه المنيفه (عدولتي) فيها الحليب السراحي=احمر اسقاها جلد مدبوغ ليفه من( دوح) في بطحا شعيبه مداحي=غاداً من (البله) سوات القطيفه وبيت الشعر تلفح عليه الرياحي=منها رواق البيت مثل السفيفه لولا (اوتاد)( الطنب) مثل الرماحي=ماخلته هوج الرياح العنيفه كم مرتاً من قوق واليه طاحي=لولا (الطريقه) (واسطه) منه خيفه ههههههه ويقطبونه لانوو للمراحي=من شأن ماتدخل على البيت حيفه داراً خلا والليل كله اشباحي=تسمع قنيب الذيب والا شخيفه واحيان تسمع للرعايا صياحي=وهجت قطيع اظعانهم له وحيفه ليل سروي حتى يبين الصباحي=لو ان مافيها خساير كليفه هذي حيات البدو حلو وملاحي=داراً دهر واحيان داراً مريفه والموت ياراع الكويت الذحاحي=(اليافرد) جار الوليف واليفه انشهدنه يوم ماهو بصاحي=خلا العيون من العباير كفيفه ياللي قضاء عمره بدار الصباحي=من صغر سنه عايشاً بالوضيفه مدري عنه لاصوتو بالفلاحي=هو ينسدح والا يفل الصحيفه ههههههه

اسمحلي بالرد المتواضع انا مشغول ذا الايام

ياقرب وضعي منك يابو مناحي= ماشفت جسمي مايل ٍ بتهديفه
يوم المعوشه والمصارف شحاحي= وحوالنا زينه ومره كسيفه
يومن وليله مانذوق الملاحي= شوف النعم هاذي علينا شفيفه
لكن فيها لضمير انشراحي = الصدق مع زين النوايا الشريفه
وبعض الكلام اليوم ماهو مباحي= الياحصلت غلطه يالاهي طريفه
ولاينزلون الا بخدن براحي=نوب بسهل ومرار طعس وحتيفه
واليا مزحو ماكثرو بالمزاحي= الله يعزك يالنفوس العفيفه
ماهو بوقت مظربين القاحي= اللي مايفتح لنشاما مضيفه
وحنا بخير الله يعز الصباحي= واخوان نوره مع قطر والخليفه
وانته علامك هاليالي تواحي = وش اشغل افواد الضلوع النحيفه
وكان المعزب مايعاف النصاحي= يوم انت بالفيضه حوالك ضعيفه
خلك على الساحل وماه الضحاحي= الخير واجد والموارد كثيفه
بين الخبر وفليج حتى سماحي= بالك تبعد صير في هالنصيفه
لاتروح للحره سوى انك سياحي= اسبوع لاتزود لونه نتيفه
عيت تلملم من عناها اجراحي= ستين عام ٍ ماتوقف نزيفه هههههههه
وانكان ودك تصتفق بالجناحي= ولافيك حيله هف هفة منيفه
اللي خذوها في نهار الصياحي= اهل السيوف المصقله والرهيفه
والخاتمه طيبك ثبت مايزاحي= اكرمتني ببيوتك اللي نضيفه
يوم ٍ حفلك يم ذيك الضواحي= بكثر التحايا والعلوم الطيفه