[فضي البراك]

محمد الراشد شاعرٌ من زمن الحب والرومانسية .. يتلمّس كوامن أرواحنا .. لـ يترك قلوبنا معلّقة في أثير قصائده ..
ينتصر على عوامل الزمن بخطوط لا تُمحى وشعر لا يبلىَ ..
انفرطت سبحة الفرحة لـ تتراقص افراحٍ طفولية .. إبتهاجاً بعودتك ..
تدثّر أشواقنا وتبلل أوراقنا ونمسح عن جبين انتظارنا غبار الغياب
محمد الراشد أنه الشعر بكل مافيه من مفردة رشيقة .. وجملة أنيقة .. وعاطفة جياشة صدوقة .. وصور زاهية رقيقة ..

محمد الراشد لا تفي أهلاً بك ولا جميع ما يقال في حال الترحيب بشخص نبيل كشخصك

غبت وأنت كبيراً وعدت وأنت كبير في قلوبنا وأعيننا وستبقى كذلك ماحيينا ..

فرحتي بعودتك تجعلني أبحث عن أجمل مايكتب فأسطره لك ..

مرحبا مليار شاعري القدير ..

أبيات للرائع محمد الراشد

امسح غبار الغيـــاب وذكريات الغياب=ولا عاد يوجد مفارق غير فرقا الممات



ياصاحبي يافضي زيزوم كل الصــعاب=جدانك اهل الفعايل وانت جزل الصفات

ولا هي غريبه على من يتعبون الركاب=المجد ورث" لكم ماهوب ضمن الهبات

قدام لانسى يابن براك قل للـــشباب=وعلم جميع العيون الي سرقها المبـات

القافله ماشــيه لو زاد نبح الكــــلاب=والعنصريه تؤدي دايما" للشـــــتات


والشعر وهبه من الله والقصايد زهاب=والنجم لو غاب من فوق الثريا يبات

وجاء بعدها مجارة للعمدة أبو تركي

ارج السموحه وبا اجار البيوت العجاب= نضمن بدابه محمد حي هالمفردات
ذكرتني يامحمد حب جال العذاب= قدام لايلوح بالعارض عدو البنات
وسترسل الفكر حتى صار فيه انسياب= وجاريت شاعر بيوته لابداء مبهمات
تعيش يالقرم ماهل المطر من سحاب= صدق خياله وناض البرق بالمرزمات
وماغنت الورق في ظل ٍ بخشم الهضاب= تلعي طرب في ظلال كهوفها العاليات
صحيح ماقلت مايبعد عزيز الغياب = البعد من حط وسط الحد بالمظلمات
مدحت رجل ٍ ربوعه بالقا ما تهاب = و هو تبع سيرة أجداده بعزم و ثبات
و أزكى التحايا يا بن راشد و مسك الخطاب =عساك تسلم وتبقا بينا الذكريات

وجاء دور ابو خالد كذلك

مابين فرحة ضميري برجعتك والعتاب =يامرحبا والضلوع اشواقهن عاريات
ياحي هالطله اللي زاحت الاكتئاب =اشبه بصرخة طرب تكسر قيود السكات
والشعر وهبه ويسما وسط عين الصواب =يقراه فكر اللبيب وجاهليه الوشاة
وانته سموه بعيني ياعزيز الجناب =يامرحبا وانت فارس تعسف المفردات

وأخيرا
كان لـ مسند العويمري حس أخرى ومجاراة .

عاد القمر في مساره بعد ما قيل غاب=وكن الكواكب تحرا جيته لين يات

ماهي ذنوب وخطايا كان واليوم تاب=أمورصارت نهايه بيدين الشتات

ماء المطر لا وقع بلقاع يملا شواب=ومهما تشوبه تروا منه كل الروات

أخير من ياخذ القربه ويارد سراب=يركض ورا صحصح الريعان يالين مات

ون كان للارض بهجه في قدوم السحاب= لناس فرحه وبهجه بعد لم الشتات

وللآرض لا بد من غيم وعسام وضباب=وحنا مع الكون مانخلا بليا حتات

الموضوع الأصلي: مسحنا غبار الغياب .. يامحمد الراشد | | الكاتب: فضي البراك | | المصدر: شبكة بني عبس