قال منهو به هواجيسه تجول = بعد شاف رسوم شيئا فيه حل
أشهد أن الشيب قرب للوصول = والشباب أقفى زمانه وأرتحل
وهني من طاع ربه والرسول = حافظ دينه ولا صابه ملل
حافظ دينه لا صابه ملول = في حياته ماأستهان ولا غفل
وأنتبه يلي بها الدنيا جهول = لاتمادلا بالخطايا والكسل
أغتنم نفسك نصيحه لك نقول = طاعة الله لبها قبل العمل
لا يغرونك مطبلة الطبول = ماحد يدري متى يأتي الاجل
أنت طرقين على ظهر الذلول = ينتها مشواره الطرقي نزل
لو يطول العمر لابد النزول = أيتدنا الشوف والجسم أنحل
عبرت للي فهيمين العقول = يعتبر من كان له بصر وعقل
كمل الميزان مافيها حلول = ماكتب لك صار مافيها جدل
يالله الغفران من يوم يهول = أحد الدربين ماعنها بدل
جنةٍ نمشي بها عرضا وطول = أو سعير يحترق منها جبل
كل شئ فوق هالدنيا يزول = ولايدوم الا الولي راعي العدل
ولشفاعه وعسى المسلم ينول = ياوسيع المد تغفر مافعل
صح لسانك وبيض اله وجهك على هذا اللقاء والحوار الجميل
تحياتي لك