[السبع الضاري]

اقتباس من مشاركة ابو عوجه نعم نعم اهب يابا الخلا حرك قريحت المؤرخ والشاعر ابو عوجه ضاق صدري منك يابالخلا ساعة عويت=في زمان ٍ لقمة الشيخ ماتملى فمه المعاني من غضب خيلها جاها النحيت=لايدور من دخل حد غيره مكرمه غنت الورقاء وبذكرك كانك نسيت=وش تقول اللي توجد على واد الرمه مير قلي وش سمعت ولقيت وش قريت=ماسمعت ولالقيت الوسم والاوسمه اذكر الله لاتكشر انيابك لامشيت=اترك اعلوم المنافق وراع الهيلمه قل الراع الهيلمه لن رضيت ولن ابيت=ماتغيرنا المعالم ياراع الهيلمه يوم هاك الوقت في نجد حي ومستميت=من زمانك دمك اسود تقل دم احلمه نعرفك مالك فعايل ولاعمرك غزيت=عارفينك زين والعلم لاجاك الزمه مالك مع القوم يامسيلمه فعل ٍ وصيت=غير عند الشيخ ترعى نياقه وغنمه وانت ياسبع الخلا لاتعدى لاعديت=من كسب ريمان يوم المكاسب ووسمه جاك علمي والزمه لن سرحت والن ضويت=وانهايه خل بعض السوالف مبهمه وكل عام والجميع بخير

مجاراه من الشاعر الكبير ابو عوجه ،
قوية يابو شنب وننتظر رد جحدر هههههههههه
ملاحظة:واحد فسر بعض ابيات ابو عوجه بالغلط،وهي
قل الراع الهيلمه لن رضيت ولن ابيت=ماتغيرنا المعالم ياراع الهيلمه
يوم هاك الوقت في نجد حي ومستميت=من زمانك دمك اسود تقل دم احلمه
نعرفك مالك فعايل ولاعمرك غزيت=عارفينك زين والعلم لاجاك الزمه
مالك مع القوم يامسيلمه فعل ٍ وصيت=غير عند الشيخ ترعى نياقه وغنمه
هذي الابيات ليس المعني بها السبع الضاري
هذي رسالة إلى راعي الهيلمه !!وعلى شأن اوضح لمن فسرها بالغلط ان ابوعوجه يقصد السبع الضاري بها هو قوله بعدها مباشره:
وانت ياسبع الخلا لاتعدى لاعديت=من كسب ريمان يوم المكاسب ووسمه
جاك علمي والزمه لن سرحت والن ضويت=وانهايه خل بعض السوالف مبهمه