[(ابوعواض)]

الطيب منهـج لكـن صعـب منهاجـه

والمرجلـه كايـده ماكـل يقـدرهـا..

ياالله تجمل اليـا جـا مـدور الحاجـه

ان كان ماهيب عندي رحت ادورهـا..

والله ماابخل بهـا والاجـواد محتاجـه

ناس تبي المرجله والقـل عاسرهـا..

والوقـت لامـال أبأوصيـك بعلاجـه

علاجـه رفيقـا يوردهـا مصادرهـا..

من خلقته مااتشوف الضيق في احجاجه

اسمه ينومسك والسمعـه معطرهـا..

من دون عرضك يجابـه كـل هراجـه

رفقـة نقـا والمصالـح ماتغيرهـا..

محتاط مـن قبـل مدخالـه لمخراجـه

يتعب على الكلمه اليا جـا بيظهرهـا..

يعجبـك لامـن نصيتـه فـي تبلاجـه

ايديه تمـرس عطايـا دون يامرهـا..

يافرحة الشاوي المصلاح فـي نعاجـه

هذا يربـي ورمـز الجـود يدمرهـا..

وان كانهـا جـات للهدات ومـواجـه

شبل الاسد كل ماكبـرت يصغرهـا...