من اجمل قصائد الشعر الشعبي
للـ الشاعر الكبير مبارك بن فايز بن حمود البخيت السبيعي
سجه مـع الهاجـوس طبيعـة ٍ لـي
طبيعـة ٍ بامـوت ماجـزت عنّـهـا
اشكي على الخلاق وارفع لـه أيـدي
لاكثـرت الأفـكـار يـفـك منّـهـا
أما الكرم قـد فازبـه حاتـم الطـي
حتى الفرس من شان ضيفه طعنهـا
خلوني أكرم في حياتـي وانـا حـي
ولامت مـدري جثتـي مـن دفنهـا
خلقت في الدنيا وانـا مامعـي شـي
وبروح منّهـا مامعـي شـي منّهـا
مسكين ياللي تحسب الواجـد شـوي
والعافيـه لـو تنشـرى وش ثمنّهـا
ياجاهل الدنيـا تراهـي كمـا الفـي
يامخبل اللـي فـي حياتـه ومنّهـا
ان ناحرت لك قامت تروحـي وتجـي
مثل الذلـول اللـي طويـل ٍ رسنهـا
وان دبـرت خلتـك طايـح ومرمـي
وكم واحد ٍ لـه حاجـة ٍ ماضمنّهـا
لابد مانرحـل عـن المـزح والغـي
ونسكن بيوت ٍ قبلنـا مـن سكنّهـا
النفس مثل الغص عايش على الـري
ولولاه كـل النـاس عافـت وطنّهـا
يالله عسى الحسنات تقضي على السي
لاقربـوا للنفـس ذرعــة كفنّـهـا