.
.
عيونكـ ماتركت فيني ورى نار النهار وجار
دخيلكـ كفها والا تعال وحل في قيدي
أنا قبل اللحم والدم عزيز وفي حق الجار
حرام انكـ تملّكـ عاتقي واقول ياسِيدي
دخيلكـ مابقى فالضلوع الخازنة أسرار
سرح فيها خطاكـ وقالها شعري وترديدي
دخيل المزن وعناق العزيز ورمشكـ السحار
ترى الفرقا آثرها بان بي والعلم تنهيدي
تحسبن الزمن ساكن ترى هذا الزمن دوّار
واذا قامت مواعيدكـ تبي ترقد مواعيدي
وش الصدة وش القطعة بلا كلمة ولا معذار
وآخر ماسمعته منكـ جـوّد بالدفا جيدي
دخيلكـ وضح المانع أوأعلن ساعة الـمـسفار
وانا باعيش بالحالين وبأذبح للعرب عيدي
أ.هـ
.