لعـل مدلـلٍٍ يستاهـل التقديـر والتدلـيـل
يطاولنا الرضى لو ضـاق راع الشـاه والناقـه
لعل (الجوهره) بنت المكارم والصخـى والهيـل
يفلّ حجاجها عذر القصيـد وشرهـة أوراقـه
قصيدٍ ما تجمـل فـي هدبهـا والعيـون بخيـل
وبيتٍ ما وصفهـا لـو بنيتـه بهـدم رواقـه
يحسد (الجوهره) سرجوفها الضامر بنات وخيـل
ولو قالوا يا نحل خصورهـن والخيـل سبّاقـه
هذا غير الجبين اللي رقت شمسه سـواد الليـل
جديلٍ تكرمـه نـور البنـات لحـزة إطلاقـه
ورمشٍ فاترٍ لا سلهمت به كـن مالـه حيـل
كسى عينٍ تشـادي عيـن حـرٍّ تـلّ مسباقـه
سماها طيب أهلها نجمةٍ بيـن الجـدي وسهيـل
يلوق الها الفخـر وجدودهـا حمّايـة السّاقـه
جدودٍ يتبعـون ويفزعـون ويذبحـون الحيـل
قبل وقت الرخا يوم الفقـر والجـوع والفاقـه
جدودٍ من قربهم ما يجي ذخـره ردي وحليـل
مـادام الحـر يشهـر دايـم الغربـان نعّاقـه
على ترف الورق يالمترفه ذوقـي لذيـذ القيـل
وأنا اللي لا ظميتـي تبشريـن بزمـزم أعماقـه
حرثت القاع وأسقيت النوى والحب عذب السيل
هذا اللي في يديني والرجى فـي جـود فلاقـه
مساء الخير
حبيت انسق القصيده
حتى يكتمل الجمال
صوره ومضمون
شكرا لك