[محمد الجريشي]

[poem="font="Simplified Arabic,5,white,normal,normal" bkcolor="transparent" bkimage="images/backgrounds/21.gif" border="none,4,gray" type=0 line=1 align=center use=ex num="0,black""]
يازين ماني لك شفوقن ومشتاق= لاصار ماتفرح بلحظة لقانا
ماعاد حبك ياهوى البال ينطاق = بالعكس يمكن صار سبة عنانا
ست سنواتٍ محرقن قلبي احراق= مابان ياس ولا قطعنا رجانا
قضيتها كني موقف على ساق = وانته ولا همك سبايب شقان
عشت الظلام ولازم تشوف الاشراق= شوف الحقيقه مشرقه من سمانا
اخر كلام يجيك من نبع الاعماق= اخذ الكلام اللي له الله هدانا
اما تبادلنا المحبه والاشواق= ونكتب على بيض الصحايف غلانا
واعيش انا وياك في حب ووفاق= ونعاند الدنيا وناخذ هوانا
والا تجي بافراق واجيك بافراق= وادوس قلبي كان لجلك عصانا
ولاني على مثلك كثيرن بالاشفاق= والله ماتبع واحدٍ مابغانا
من باعنا بعناه عجلن بالاوفاق= حتى ولو هو قطعةٍ من حشانا
وان سجل التاريخ تاريخ عشاق= خيانتك يكتب ويكتب وفانا
يقولها من طاح في حبك وفاق = ياليت ماالله في هواكم رمانا
جف القلم ثم انطوت بيض الاوراق= واختر حياة الحب والا عزانا
[/poem]وتقبلوا تحياتي؛؛؛؛؛؛؛
شعر اخوكم : محمد ربيعان الجريشي

الموضوع الأصلي: يازين | | الكاتب: محمد الجريشي | | المصدر: شبكة بني عبس