أنا وجرحي أجاذب حلمي الطايش
مابين هذي وهذي ضاعت أحلامي
أكبر ويكبر معايه وقتي الشايش
وأصبر عشان الذي باقي من أيامي
قضيت عمري وأنا ميت وأنا عايش
وطبق عليه زماني حكم الأعدامي
الراس من كثر صكات الزمن غايش
والشعر صفحه معه ماترفع أقلامي
والحب دوشه وأنا من سبته دايش
خلا بقايا حياتي ( جلد وعظامي )
( حبييبتي ) وأذكر أنها كانت ترايش
من نافذة بيت حلمي وأصدق أوهامي
واليوم ضاع الهوى في وقتي الطايش
من يوم راحت وكل الضيم قدامي
هذي حكاية غرامي يافهد عايش
مابين هذي وهذي ضاعت أحلامي
؛؛؛
شعر/ أحمد سليمان الرشيدي