شعر : البدر بن عبدالمحسن
حوار بين رجل وزوجته (طراد / ترفه) عندما قتل جاره بالخطأ ولديهم طفل لهم:
طراد:
ياترف ومفارقك يوجع=مدري متى الوقت يدنينا
العين في وداعكم تدمع=والحزن يملي محانينا
ترفه:
ياطراد ليت البكا يدفع=عنا الحوادث وينجينا
ان كنت حي تبي ترجع=وان مت مالله مخلينا
طراد:
والله ماهمني الترحال=ماهمني كود ثنتيني
اخاف تتبدل الاحوال=ياترف ماعاد تلقيني
ترفه:
لاترتهق عندنا رجال=هذا الذي بين زنديني
باكر يجي فارس وخيال=ياطراد وتقر به عيني
طراد:
اواه ياما كبر امالك=وياحر قلبي على مشهور
ياترف فارسك رجالك=طفل وعمره ثمان شهور
ترفه:
ياطراد مانيب عذالك=ولا اقول مخطي ولامعذور
بقول لاينشغل بالك=بنشوف عقب الظلام النور