[فهد المويسه]

قيلت هذي القصيده في مهرجان قبيلة بني رشيد الاول لموروث الشعبي بالكويت وهي لشاعر راشد السوراج الرشيدي


يا هاجسي اكتب على الطرس بسلوب . .. .. .خـل المثـل ينقـاد بينـك وبينـي
زيح الستار وغرد بـراس مشـذوب . .. .. .يالله على قـول الصـواب تهدينـي
صول وتجول واقتطف كـل نبنـوب . .. .. .من شـرد الافكـار جزلـن ثمينـي
خل القلم يملي على الطرس مسحوب . .. .. .متابعـك فكـري وقلبـي وعيـنـي
لا تنثني وتصد عن كـل مـا جـوب . .. .. .الناس ما ترحمك فـي كـل حينـي
حفلن جمعلي كل الاصحاب من صوب . .. .. .يـا مرحبـا واهليـن بالحاضرينـي
ترحيب خلن زاوره طيـف محبـوب . .. .. .في حلم مدري علم واصبـح يقينـي
انا من الموروث بالشعـر مجـذوب . .. .. .جذب الدلـي لمجروعـات الحنينـي
تاريـخ حافـل بالسجـلات مكتـوب . .. .. .ما ضيعتـه ايـام طـول السنينـي
تاريخ عبس مخلد شعـوب لشعـوب . .. .. .مانـي بكابـر كلـكـم عارفيـنـي
بسم الرشيدي قلت هالشعر وانـوب . .. .. .عن ربعـي الحضـار و الغايبينـي
ان كان قول الصج فالرجل عـذروب . .. .. .عـزالله ان أكثـر عذاريـب فينـي
وان كان فعل الطيب للخلق محسوب . .. .. .ربعي هل العطفـه خطـال اليدينـي
تجيك بالاذكار مـن غيـر منـدوب . .. .. .كسابـت النامـوس دنيـا وديـنـي
والطيب ماهو عن هل الطيب محجوب . .. .. .كلـن علـى فعلـه وطيبـه يبينـي
والظلم ذنب وزايد المـدح مسبـوب . .. .. .واكبر غلـط تجريـح بالمسلمينـي
تم الجـواب اللـي كتبنـاه بسلـوب. .. .. .صلوا على المختـار يـا سامعينـي


وسلامتكم


لشاعر راشد السوارج الرشيدي

وتقبلو سلامي

الموضوع الأصلي: ياهاجسي / لـراشد السوارج | | الكاتب: فهد المويسه | | المصدر: شبكة بني عبس