01-07-2010, 12:38 PM
|
|
نسعى لـ / لقانا ، والمساعي لـ / تفريق ! وسحايب الوصل بسمانا شح
يا قلب طحت من الغلا والتوافيق
وطيحتك هذي عندي بـ / الفين طيحه !
خلّيتني من ضيق في ضيق في ضيق
وضاقت بعيني هـ / الدروب الفسيحه !
كسرتني ، وانا اللي من [ عالي ] اويق
على القلوب العاشقه والجريحه
ياليت لي واحد ما بين المخاليق
يفهم شعوري والنوايا صريحه
دام الزمن هاوي [ جروح ، وتفاريق ] ؟
خلنا نعيش الحب ورده ، وشيحه
لو الهوى وافي عهود ومواثيق ..؟
ما قابل العاشق بالآخر ضريحه ..!
ولو تنفع المجروح صرخه وتعليق ؟
لا اسمع العالم همومي بـ / [ صيحه ] !
اصيحها من حر مابي ولا افيق ..!
الا على [ صوته ، وزوله ، وريحه ] ..!
ليت الجفون اللي تضمّه مغاليق
لان شوفته بعيني عليّه فضيحه ..
ما ودّي نكشف ما خفته الصناديق
ولكل منّا ناس تبغى [ مطيحه ] .!
نسعى لـ / لقانا ، والمساعي لـ / تفريق !
وسحايب الوصل بسمانا شحيحه !
والواقع اللي ما يبي غير تصديق ؟
ما هد سور العشق الا [ صحيحه ] !
والحظ يومٍ طاح من بعد تسويق :
لـ / [ احلام ، وآمال ، وروايه ذبيحه ]
ماعاد ينفع زور ، او حكي تلفيق
وايّامنا ساقت حقايق قبيحه ..!
وامن الحكايه اللي تبي اليوم توثيق ؟
ماعاد باقي غير [ ذكرى وشريحه ] ..!
متعبة عسافها
الكويت - نوفمبر 2009
|