وجه الأيام في يوم المـوادع .. حزيـن=ماتـرك للنفـوس ... ألا تناهيتهـا .!
طاحت الشمس من عيني قبل .. ساعتين=غافلتني .. وانـا ماخنـت .. توقيتهـا
يازماني .. مشاريهك لذيك .. السنيـن=ولا أنا .. جملـة أحلامـي تحديتهـا .!
طبع الايام .. لا منه قسـى .. مايليـن=ملت النفس .. من جرحي .. ومليتهـا
يمكن أخطيت في حق الغلا ... مرتيـن=يوم اخيل السحاب ... ويوم حبيتها .!
مهرة ٍ صافحت .. كف الجفا باليديـن=سامح الله .. خطاها كثر .. مأغليتهـا
افترقنا .. وكل ٍ قال له .. ( كلمتيـن )=ويوم قالت ..( فمان الله ) .. ناديتهـا
قلت في صوتي المبحوح .. ماتسمعين .؟=انتي اليـوم : غيـر اللـي .. تمنيتهـا
يومها .. شحت الدنيا .. وطار اليقيـن=والاحاسيس .. بكتنـي ... وبكيتهـا
أعتذرت لغلاها .. من دمـوع الحنيـن=دمعة ٍ لـو نستنـي ... ماتناسيتهـا .!