لحظه
الناس ماأستوو
وبعدين أنا كان ردي أذا كنت واثقه بأن زوجي ملتزم وهذا مهم
ثانياً لو حصل لي هذا الموقف وانا اتكلم من جد راح تكون هذي رده فعلي
تعرفون ليش......
أولاً أنا حاطه في بالي أن الواحده أذا تزوجت راح تترس كل وقتها وحياتها
بس عشان الزوج يعني عشان تسعده ويمكن تتخلى عن طموحاتها عشانه
وبعد ماتسوي كل هذا يجي الزوج وبكل برود يقول أبي أتزوج
يعني مو راضي بحياته يمكن ويمكن له أسبابه أو أعذاره الي يمكن
ماتدخل العقل....
يعني بذمتكم وش تبغون رده فعلي له
راح أحس أني ضيعت عمري عشانه أنا أقصد طموحاتي وأحلامي
راح أرضى بأنه يتزوج فيمكن يكون لصالحي بحيث أني أغير حياتي
ويكون عندي وقت فراغ عشان أسوي الي كان في بالي وتخليت عنه عشانه
أذكر لكم قصه واقعيه..
في واحده بعد ماعاشت مع زوجها سنين طلب منها يبي يتزوج وعارضت
وزعلت وكل هذا
وبعدين تقول أنا تعبت نفسياً بس قررت أني أغير حياتي لأن ماعد في فايده
صارت في اليوم الي يكون عند الثانيه تتخذه يوم لله يعني تصوم وتحفظ قران
يعني يوم عباده
واليوم الي يكون عندها تكون فيه زي الملكه تتزين وغيره من هذي الأمور
وهي وبلسانها تحلف أن حياتها صارت أحسن من يوم ما كانت معه لحالها
هذي القصه تدل على أيش
تدل على أن الواحده أذا ماتكيفت وعاشت حياتها أكيد راح تتعب زي ماتقول أخوي
بس أذا تكيفت وغيرت حياتها وسوت لها برنامج جديد راح تستانس
وبعدين والله حلو لما تتفرغ الواحده لنفسها
يمكن يكون في البدايه صعب بس تقدر الواحده أنها تتكيف مثل الأستغفار
لما الواحد يستغفر في البدايه يطفش ولما يشد على نفسه شوي يتعود
ويصير وهو لا أرادي يستغفر
أي شي في الحياه أذا كررته في نفسك يصير مثل الولد لما أبوه دايم
يقول له أنت غبي في الأخير أيش يصير يصبح غبي
يمكن تستغربون من كلامي بس الناس ماأستوو
في حريم يكون الزواج أهو حياتهم وفي حريم يشوفونه مكمل وفي غيرهم
يشوفونه بس لأن الناس تزوجو راح تتزوج فيمكن ردت فعل أي واحده تختلف
يمكن الواحده تقول يمكن يحب الثانيه أكثر مني
في سؤال:
أذا أحد عطاكي هديه من زمان وهي رخيصه بس من شخص تعزينه
وبعد فتره عطاكي مثلاً شنطه ماركه وش راح تسوين في الهديتين
راح تذبين الاولى في الزباله....أكيد الا لأنها عزيزه عليكي
راح تحتفضين بها ويمكن لما تناظرين فيها تستانسين
أما ألثانيه راح تفرحين فيها في البدايه وراح تستخدمينها الين تتقطع
وبعدين وين راح تسوينها
هههههههه سوري مثال غريب شوي
بس أنا أقول هذا المثال وهو أشياء فما بالك بالزوجات هذا غير
يمكن ما أعرف أوصل لكم الي في بالي بس كل واحد وله رايه
تحياتي لكم وسامحوني لأني طولت