الحبيب اللي يحسب انه ذكي
------------لايطوّلـها تـرى بـدري عليه
صرت اعديها واطوف بالحكي
------------ويحـــسبـنَّه بالـذكا ماله شـبـيـه
اشـتـكي منّه لا والله ما اشـتكي
------------كاشـفه واضحك لأني مـهـتـويه
وين ماروح مـصيره لـشـْبـكي
------------والمدا عندي وانا اللي حر فـيه
آآآه ياكـــيد الـنـساء الـمُهـلـكـي
------------في عتامة شـوق قـلـبه اهلكـيـه
والعبي مابيـن حظـك واشـركـي
------------رغم تزيـيـف الحقايق عـاتـبـيه
وان زعل بالحيل منك اضحكي
------------وفي متهاهات السوالف شربكيه
وعيـشـيه بـجـو شـيـخً مـرتـكـي
------------واطرقي فنجال شعـره وشربـيـه
وكان هوجس من روايح عطركي
------------اسكـتـي عــنـه شـويّـه واتركـيـه
طالعي في عـين عاشـق وادركـي
------------من هواجيسه وش اللي راح فـيه
ولا رجع لك من هـجوسه حركي
------------عــود ريحـانً تـثـنـى واسـعـفـيه
الـجـمال. الـورد . والعطر الزكي
------------كلها عـندك وش اللي تـخـسـريه
وآآآه ياكـيـد الـنـساء الـمُـهـلـكـي
------------فــي عـتـامـة شـوق قـلبه اهلكيه