[احمد سبيتان]

مارخصت بالشعر في مدحه وفي ذمه
لكن رد اعتباره شــــــــي"الزامي

اللي عليه الوفا ماعادله يمه
الصاحب اللي على المرواح جزامي

قولوله ان الوفاء مبطي وانا ازمه
واني وفي في غلاته طول الايامي

وان الذي قلتبه بالعزم والهمه
من سالفة شعري المجنون وانغامي

انثر حطام القصيد العذب والمه
واسرق من الهاجس اللي يشرح الامي

سيرت ركبي لعينه بس ماهمه
وانا ادري انه عنيد بجرحه الدامي

يبغى يجرعني الامرار من سمه
وانا على شوفته جزام عزامي

لايامن الوقت منهو بايع الذمه
مصير الايام ترخص قدره السامي

اسكت وانب ضميري وارد الجمه
وانطق بعد طول صمتي وادحر اوهامي

اثر الهموم الذي فالبال ملتمه
اسباب هذا الفؤاد الجايع الضامي

مالوم عيني تلم الشوف وتخمه
مللت من دمعها خدي والاكمامي

قولوله الوقت له تفريقه ولمه
لايحسب انه خلاص ان راح مادامي

والشعر مبدا حياتي لوماهمه
انا انتظر رجعته لو جفت اقلامي

الموضوع الأصلي: قولو له الوقت له تفريقه ولمه | | الكاتب: احمد سبيتان | | المصدر: شبكة بني عبس