طال الفراق , وما بقى عندي حلول
ألا أني انسى ما مضى من لياليك
صحيح حبيتك ولكن وش آقول
بعد الغياب وما حصل من تماديك
عاش الغلا مرمي ومهمل ومخذول
كله من أسبابك وما سوّت يديك
خليتني , حتى بلا عذر مقبول
واقفلت من دوني جميع الشبابيك
سيف الجفا فـــ عيونك السود مسلول
وعيوني بـــ حسرة تتابع خطاويك
شفني هنا , من يوم ما رحت مقتول
مقتول ,لكن , ما اتوقع بـــــ اناديك
ألا إذا عندك لما قلته حلول
أما أنا بانساك , وأنسى لياليك