[الشبح]

صياف

سلام الله عليكم جيتكم واللغز وش معناه = نصيحه للغشيم ايخلي الدعوا لاهاليها
انا حصلت لي شايب يهج الزمل بالمضماه = تخالف بالوسوم ولاتشابه وسم راعيها

الشبح

هلا يا مرحبا في مرحبا واللعب في مبداه=على هونك ترا الدعوى تجي بيدين قاضيها
يقولون العرب وجهه الولد ما يشبه امقفاه=واذا ساويتها ما عاد نعرف ويش أساميها

صياف

يدوم ابك البقا والعلم لاتنظر بحد ادناه = ترى صياف لاقال الك كلمة ما يثنيها

يقولون العرب عوٌد وحل اللغز لاتنساه = ترى ماهي على كيفك تجمعها وتغنيها


الشبح


يقولون (المعنى) يبدع المعنى لامن غناه=وانا وشلون أعلمك العلوم ان كنت مخفيها

ترا وحده من الثنتين تكفي يا كريم الجاه=رجالن حطت الثنتين ما نقدر نسميها

صياف

انا لومانت قد الموقف الي ذاكره بعلاه = قبلت العذر منك وقلت ياربي تسويها

لون الزمل بس اثنين قلنا الركبي ومعفاه = لكن العلم ذوداّ لليمن تاصل مفاليها



الشبح

ابن جبرين ما جامل ليا قال وبدى فتواه=ويعيش اللي سمع علم المشايخ مع فتاويها

على طريا اليمن وضاح يا مجمل ترا طرياه=مثالن حي والدنيا كفانا الله بلاويها

صياف

ابن جبريل لاحصل عقولاّ تفهم ابـ مغزاه = على نهج الشريعه لايمالها ولايحنيها

ياكثر الي على طاريه والي كنها حلياه = لاوانك بالعراق اتشوف الك ناساّ يحاليها

الشبح

ومن يمشي على كيفه نقول انه على عمياه=يحاول يكحل عيونه وجاك اليوم معميها

مصيبه كان ترعالك رجل ما يستحق ترعاه=يبا ياكل من النعمه ولا يشكر لمعطيها

صياف

ياليته لانعمت عينه يعرف ان الخطاء يمناه = ماتاخذها الحماقه ثم باليسرى يداويها

ياليتك ماقصرت العلم دونه لين يتخطاه = لاعل البرمكي راع العراق اقول خافيها

الشبح

تعرف الذيب دايم يزعج العالم بكثر عواه=وحتى الناس ما تامن تهجد في مبانيها

ترا راع الخطا لازم يطقونه على علباه=قبل لاتشوف جيش الكذب كبرانه علابيها

الموضوع الأصلي: صياف والشبح قابله لنقد و التحليل | | الكاتب: الشبح | | المصدر: شبكة بني عبس