إهــداء خاص ..
هذا انت ماخذها دلال وتغـلّي=نشـّفـت ريقي مايفيد الحكي فيك
تزعل علي ساعه وترجع تهلّي=نفس الطريق اللي يجيبك يوديك
شـ اخذ من اعتابي عليك وش اخلـّي=تخطى بحقي واتنازل واراضيك
والله مالك غير شمسي وظلّي=مع كل هذا تملك القلب بيديك
لو تطلب اللي تطلبه جيت كلـّي=غالي عسى الله يحفظك لي ويهديك
ماني مقصر وان تخاذلت قلـّي=والله لاحطك في عيوني واغطيك
من ذاق مر الحب لازم يحلـّي=مرمرتني في عيشتي وين حاذيك
خل العناد اللي براسك يولـّي=اخاف لاتصغر بعيني واخليك