سـلموا لي على اللي لازواه = كل عسر ٍ بـــــــ دربه لينه
يوم بعض الجيــوب مع الرعاه = كل من هـــــازه يوخر عنه
والله ان راع الجهــــامه لاعطاه = تقل خيل ٍ يطــــاوع لرسنه
يحفر القــــــــــــــاع ويطلع ثراه = وكل مـــازم خشمه طمنه
ومن يبي الصيد حقق له مناه = يتخــير خـــــــززه من عدنه
بظرف ساعه وطارح له عشاه = طشت اربع بـساعه تضمنه
غير طــــــــاسة حليب ٍ ماشراه = ولاكتب صـــالح لمدة سنه
در خلقـــــات ترعى من(الحلاه)=اليا (المكـاون) ولا تبعد منه
خد ٍاخضر ونـــــــــــويره زهاه = والمعيه بـــــــ مــــاها تمنه
وخـــــــايع ً كل من داج ومشاه = طش قلبه همومه بـــ يمنه
وكل مـــــاذعذعة نسمة هواه = ذب صـــــــوته قصـيد ولحنه
كن عمره يـــــــــرجع له صباه = وكل حـــــاجه بـ باله ممكنه
وســـــــــــــــــــــــــــــــلامتكمـــــــــ
بيض الله وجهك وصح اللسانك اخوي حمود البراهيم
على هذه القصيده الرائعه والجميله
ويستاهل راعي الجهامه الشيخ /شامان عبيان
الذي اسمع عنه الكثير والكثير من علوم الرجاجيل الطيبه
وحسن الاستقبال وسعه الصدر عند راعي الجهامه الله يكثر امثاله .......
ويستـــــــــاهل راعي الجهامه
وتقبل تحياتي ومشكوررررررررر......