يامنبت المجد السعودي ومرباه=عسى صدوق الوسم يروي مداهلك
يادارنا وكر الحرار المسماة=سبحان من علا مقامك وفضلك
فزي مثل صفرا عسيف محلاه=وارخي على متن السحايب جدايلك
واستلهمي مجدك من اقصاه لاقصاه=لين القلوب اللي تخيلك تخيلك
وقولي لقرم مخلص الوقت مبداه=عشرين عام بالمهابه مظللك
رايتك بيضا ياابيض الوجه والجاه=يابن الملوك اللي زهو صهوة الملك
يمناك يامن تدرك الطيب يمناه=عقدين لول مطرزات فعايلك
كن الفخر ضلع خلق لجل ترقاه=وانته خلقت لشامخات تطاولك
انت الفهد رمز عميق بمعناه=يخفظك خلاق السما مجري الفلك
وانته راع العوجا ولابه مرواه=قول وفعل جعل المقابيل تمهلك
يادار والله ما بهالوقت حلياه=شيخ على عز ومعزة مدللك
تفاخري به باول العهد واتلاه=تراه في نفس المشاعر يبادلك