.
.
.
بمناسبة مرور أربع سنوات قرر الاعضاء رحلة برية اخوية
فكانت احداثها جميلة نقية ضاحكة....
واليكم بعض صور الرحلة ....
ذوبان الجليد ... عيا يروح معنا ...
قاااااال بحزن منقطع النظير وصوت هامس :
ومن ينقل جثمان الماء
حين تمتلىء الارض من أشعة الشمس....
-------------------
مشينا الساعة سبع الظهر .... لحالنا !!!!!!!!!!!!!!!!!
----------------------
وقفنا عند محطة بنزين عشان نصوّر
ولقينا شخص مظلوم بالحرية يبيع ساعات وردية
ولا في يديه ساعة
سألته
كيف الهلال قال اسود الا طويل جدا
ياخالة
ضحكت وانا مااني منقهر
----------------------------------
وصلنا...
ولقينا الـــبر مليان ولا واحد ...
ونزلنا كلنا البر متأخرين
وخلينا العفش عشان مايمتلي ماء!!!!!!!!!!!!!!!!
^_^
------------------
اول مانزلنا
سند الداموك نزل بسرعة شايل الفرشة والمعاميل
(هاب ريح)
ويمشي ويصايح على مروان الرشيدي :
يامروان بسرعة خل عنكـ الجيب
ومروان فاتح باب الجيب ويطالع الكفرات
يقول بتثاقل متقطع وبركود :
لحظة لحظة بأرجع قري .. أشوف الجيب يغرز
--------------------
المر العذب ونايف بن عليثة..
واقفين عند السيارات
والمر يقول : المكان ماش هنا
ونايف يقول: أجلس تعبنا من الصباح ندور
المر يقول : لا لا مآآآوب عاجبني ابد ابد ..
انا بدوّر محل وأجيكم
ونايف من البارح ماارقد
وانسدح قال فرصة الواحد يرتاح...
وتلفونه مايوقف ترررن ترررن رترررن
والرقم مجهول
---------------------------------
جدكم بريث .. في شبابه قبل الطفرةاما جدكم بريث على طول نزل بعصاه
ونظاراته ملزقها بتيب بني على جنب
وبسط السفرة قدامه قبل الغدا
وجالس ينتظر الغدا (ميت وهو حي)
وكل شوي واحد يضربه مع راسه ..
ويهرب ولا يدري من هو
ويتهدد :
قسم هنا بالله راحت ياواحد يجي هيّن>>> شايب هه .. الصوت يسبق الصورة
----------------
حنان الرشيدي اخذت زاوية وماسكة رشيدية وافتخر وتكد شعرها
ورشيدية تعّصر وتبكي وتقول شوي شوي
ورنا واقفة بعيد تناظر بدموع شقت الريح بالطول
وحنان ماهي يمها تمشط شعر رشيدية
وتسولف:
من زمان وحنا يوم كنا على الروض قطاع جاء ...... الخ
وخذلك سوالف
-------------------
رايد الذيابي عاصب راسه بشماغ اخضر
ومعه شواية شاريها من المحطة اللي على الخط
ويشوي وينادي:
قّــــــــــــرّب يااااولد قّــــــــــرّب قّـــــرّب
ررررشفة ضو
وعاشق الذكرى وراهـ قاعد
يرسم لوحة بالفحم
ورايد .. كل شوي يلتفت له ...
يقول : يانما خلصت الفحم علاااانا
----------------------
ابوعواض متلطم ولابس نظارات شمسية
ومعه عصا ورافع ثوبه
ومعه القسورة ميّل عقاله على جنب ويمشي جنبه
ويسجوون ويمشون مشي مشي مشي مشي
لين أبعدوا
---------------------
الهلالية راحت عند أقرب شجرة
وماسكة بنت الرشايدة وتفهمها تقول وقفي زين بجنب الشجرة
وبت بت تقول يااااربييييييييييه خلاص طفشت
والهلالية تقول: تكفين ودي اصلح تصميم لك على الطبيعة
--------------------------------
وبريث لحد الحين فيه واحد يضربه
وينحاش وهو يتهّدد
وحط راسه ونام ويوم غفا
جته شهاليل واقفة عند راسه
تقول: جد جد
نعم
وتعيد: جد جد
وجع نعم
وتقول: جد جــد !!!!!!!!!!
عطني مفاتيح الجيب ابمسكها معي
^_^
وعطاها
وبعد ربع ساعة
قام بريث والتراب بين نظراته وعيونه
من شهاليل تلعب بالترااب
بجنبه وهو نايم ...
وقعد يصايح عليها ويهاوش
لحد مااااااااا راااااااحت
(2)
وجت مرة ثانية
قالت : جد جد
وصاح بقوووة : يااااااالله نعم
وتعيد : جد جد
يابنتي انتي صاحية أقوووووول نعم نعم
قالت : جد خلني امسك بوكك
قال... اعطيك ريال بس ابيك تروحين
وتسألين البنت ام نظارات طبية اللي هنااااكـ
قولي وش رايك بجدي
-------------------------------------
فيه (وحدة) معنا عليها نظارات طبية
ولــعبة دب
والــــ شنطة اللي بيدهـــا
فيها
مفاتيح سيارة ونظارات شمسية
من يوم وصلنا وهي جااااااالسة هناك
ولاتكلم احد ومعها كتاب قديم
وجالسة تقرأ
وكل شوي رافعة نظاراتها
راحت لها شهاليل وجت تبكي
... ليش يابنت
قالت : تقول جدك .. وع .. وع
...^
اما بريث وهو قاعد يفكر وشهاليل تبكي
جته ضربة رابعة
والتفت بقووة ومسك اليد
بسرررعة
لكن للاسف طلعت الهنوف
تمشي من وراه
بشويش كأنها اليمامة اللي مع الزير سالم
وجاية تبي تسأل بريث جدها
تقول: ياجد راح وخلاني وكل مابغيته
واشتقت حطيت يدي على قلبي ولقيته
^_^
قال بريث :
أحسن أحسن اجلسي هنا
لين يجي وأقعدي افليني
وصاحت بقوووة :
آآآآآآآآآآآآآآآآهـ
مااحد فاهمني حتى انت ياجد
------------------------
وفيه واحد معنا لقيناهـ يأشر
وركبناهـ
ومن حبنا لكلامه أخذناه
ومن يوم نزلنا وهو ينفض التراب عن ثيابه
ويردد اووهـ اجل كيف المقابر
جت عندهـ نوار عبس
وقالت: عم عم تكفى عطني ريال
والتفت بشويش ودنق لها
وقال بصوت ضخم :
هـاك القـلب ان كان يرضيكـ
وراحت عنه وهي خايفة تلفت واصبعها بفمها
وتمشي بدون ماتحس باللي حولها
لانها كانت تجهل أحساسه
**
*
نفس الشخص مر من عند حناان الرشيدي
وهي تكد رشيدية وافتخر
قال : حنان هل للدموع طقوس غير البكاء
قالت :
وَهَل فِي ذَلِك شَكـ ايُّهَا الْبَاكِي بِصَمْت
الْيَأْس صُوْرَة اخْرَى لِدَمْعِي الْمَخْزُوْن
بَيْن عَيْنَي وَعَيْنَي
فَلاتَقْتَرّب
فـــ صُوْرَة لُقْيَاك .. بَعْد فِرَاق
شَيْء كَظِيْم
وَدَمْع مَهْدُوُر
اشَجِبِه وَاسْتَنْكَرَهـ
ورشيدية وافتخر عيونها مغمصة من البلالة
وانفاسها تقطع بتموت
بسبب حنان شادة على شعرها ووهي ماتدري
--------------------------------
المشعل وسالم الرشيدي يصلخون
وكل واحد رابط محزمه حول خصرهـ
سالم يتشكى للمشعل
يقول : شف رايد يوزع عليهم شوايا
وحنا مسوين عشا
المشعل يقول ماعليكـ الشاطر اللي يضحك في الاخير
^_^
سالم قــعد يطالع مستغرب
بالمشعل
ويقول / سلامات وش دخل السالفة هذي
انتبه المشعل لـكلامه
وطالع سالم .. وقال :
ياااااخي أمسك لي.....ولاتقعد تسأل
--------------------------------------
ابو هضبة نايم ويتكلم بالحلم
ويقول فديتك فديتك فديتك
وفجأة صحى ولقى حوله
بنت عز وام جسار و ميلاس والكريمة و و و
ويقولون من كنت تحلم فيه
وهو متورط مايدري ويش يقول ..
وقعد يطالعهم ساعة
واخر شيء
قال: تبون اروريكم مسدس ابوي
-----------------------------------
أسايرها وتعاندني والنمر 1012 وامير الشوق
مفرقين ويلعبون كورة
وعجزوا يكملون شوط
كل شوي داخل عليهم ذيبان بالدتسن يفحط
وكاتب ورا قزاز الدتسن مكسيما
-----------------------------------
فيه سيارة تشبه جيب هيئة الامر بالمعروف
من يوم مشينا وهي ورانا ...اخر شيء
وقفونا .. ونزلوا العجوز بريث ..
قالوا: عارفين ان اللي معك بنات ...
لكن ثبت العكس وبريث طلع بريء
----------------------------------------
ولد حايل معه دباب من يوم نزلنا
ماعاد شفناهـ
^_^
-------------------------------------
البعيد الهادي وكاتب جالــسين بجنب الــسيارة
يسجلون في
دفتر معاوين عرس له أسبوعين
------------------------------
فيه سبعة جالسين لحالهم يتقهوون
كل واحد يصب لنفسه ...مايحتاجون اسماء
وولد الشرقية حولهم ومزعجهم...
ماسكـ بيدهـ سجادية
ويفحط برجوله عليهم
-----------------------------------
العبسي الغامض ... منسدح
يقول : تكفون من معه بندول..
عيوني حمر من دخان الحطب
---------------------------------
روز شايلة وردة وتلعب لحالها ورا ملعب العيال
وجتها الكورة وطاحت منصرعة
وعندها دنياك انا تسقيها من سمن
جايبته طيف المشاعر من الــبدو
-------------------------------
ابوديما واقف وسط المخيم بسبحته
ويقول يامن عيّن المميز عندي له طاروق
------------------------------------
حزام ومجازف الشويلعي واقفين طول الوقت
قدام عبدالعزيز وهو ينعس:
واقفين بجنب بعض
وكل واحد يقول من أطول واحد فينا
---------------------------------
اظافر قصيرة ... كل شوي جاية من المخيم الثاني عندنا
تقول عندكم بيبسي تلقيمة .... ازعجتنا من جد ....
-----------------------------------
نايف بن عليثة .. قام من النوم ورد على التلفوووون ...
اووووهـ...آثرنا نسينا بالمنتدى آيموووشن وانكسار حلم
ماجبناهم معنا .... لاحول ولا قوة ...
-----------------------------------------
في الليل ... بعد العشا وكلا في مخيمه ....
بريث اخذ عصاهـ وراح وابعد عن الخيام
وقعد يتلفت
وماادرى الا ام نظارات طبية
وراهـ وخااااف
قالت : يو سبيك انقلش
وقعد يطاااااااااااااااالع ..
قال: ايوا..........وو وو وو و
واعرف اقلد صوت الديكـ بعد
واختفت برمشة عين ... بسم الله الرحمن الرحيم
الظاهر كانت جنية ....
--------------------------------
االرجال السبعة لحد الحين بنفس مكانهم
يتقهوون وكل واحد يصب لنفسه ولا حد يمهم
وولد الشرقية راقد وراهم من التعب
طول الوقت وهو يفحط عليهم
اااااااااااالله المــــستعااااااااااان
يتبع ... المقام الرابع ...
انتظرني
.
.
.
^_*