على ضفاف الصمت لاتقتل البوح
خلّه يسولف عن غـلاك بصراحة
صوتك نغم ينساب دافي ومبحوح
يسعد مساة ، ويسعد اللة صباحة
ياورد بستانٍ شذى عطرة يفوح
يانبض قلبي سلوته ، وإنشراحة
ياليت حزني يآخذ شويّ ويروح
ولاّ مجـرّد دمع وأطلق سراحة
أو ليت لي جنحان يامهجة الروح
وأطير مثل الطير وأطوي المساحة
وأمسي على جال الطـواريق وآنوح
وأصبح غريق ، وبارعٍ فـ..السباحة
وأجزم وكاد إنّك من البعد مجروح
همّك عميـق وحـلم الأيام راحة
شعر:
بندر نواف الرشيدي