25-03-2010, 09:57 AM
|
|
أسمع علومي وانتبه يا أتلع الجيد علم ٍ يجيك ويوصلك ويتعداك
أسمع علومي وانتبه يا أتلع الجيد
علم ٍ يجيك ويوصلك ويتعداك
وإن ماسمعت الصوت قلي وأنا أعيد
أعيد علم ٍ ماهقيته بيخفاك
إسمع وركز مانبي زود ترديد
وخل المعايا منك دام الحكي جاك
هي كلمة ٍ وحده ولا أحب انا ازيد
مجبور هاللحظه أحدك على أقصاك
نذر ٍ على رقبتي يالولا المناقيد
وأخاف عذالك تحالف مع أعداك
وتفسر الواقع بسوء المقاصيد
وأكون مثل اللي يبي رضاك وأعماك
إني لصوّت ياعيال الأجاويد
اللي فتني وأشعل الشوق هذاك
كل ٍ يرى محبوبتة شيخة الغيد
وش عاد لو شافو عيونك ولاماك
وأثق وأبصّم بالعشر زود تأكيد
إنك عليهم فارق ٍ في مزاياك
ودي أخشّك من عيون المقاريد
في وسط صدري وأحضنك وآتدفاك
صوتك يرد الروح ومواجهك عيد
في كل ليله أعزم الحرف وأبغاك
أبغاك تاتي لاتطول المواعيد
بستقبلك وعروق قلبي تحفّاك
أنا اندفعت لخافقك دون تمهيد
ماشوف ما اسمع ما ارى جيتك انصاك
إنشد "علي" وإذا تبي إنشد "سعيد"
جننتهم من كثر ماجيب طرياك
إذا ماشفتك أصفق الإيد بالإيد
أموت حسره في ثواني بليّاك
تعال جاوب ونتي والتناهيد
تعال صدري والعيون تحرّاك
عطني يدك نرحل سوى نقطع البيد
أباتحدى جور الأيام وياك
ماراق اللي من القصيددددددددددددددددددد
|