الله أكبر
الله اكبر كيف يجرحـن العيـون=كيف ما يبرى صويب العين ابـد
أحسب أن الرمش لى سَلهم حنون=أثر رمش العين ما ياوي لأحـد
يوم روّح لي نظر عينـه بهـون=فزّ له قلبـي وصفّـق وارتعـد
لفّني مثل السحايـب والمـزون=في عيوني برق وبقلبـي رعـد
نقّض جروحي وجدّد بي طعـون=قلت يكفي قالـت عيونـه بعـد
وانعطف هاك الشعر فوق المتون=وانثنـى عـوده وقفّـى وابتعـد
أشغلتني نظـرة العيـن الفتـون=حيّرتنـي بالتـوعّـد والـوعـد
هي تمون العيـن والا ماتمـون=لى خذت قلبـي وقفّـت ياسعـد
الاخ الاجهر
صح لسان الشاعرخالد الفيصل
ومشكور على النقل وحسنت الاختيار هالقصايد الجزله
لنك جزل وبنتظار الجديد
وتقبل مروري