[العبسي الغامض]

هذا غرامي سمّه اللي تسمّيه
جنون..عشق.. او سمّه اللي بدالك



يا صاحبي ما عاد تفرق معانيه

القصد حبك والاماني وصالك



كلا ولا في شي عندي اخفيه

الحب لك والقلب عاشق دلالك



حلفت غيرك بالمخاليق ما بيه

ولا خطر في بالي إلاّ خيالك



قلبي على كفي هديه لغاليه

والعُمر كله ياحبيبي حلالك




لا والذي زيّن جمالك وسوّيه

ماله طبيباً ياحبيبي بدالك



مجروح وانت اللي بيدك تداويه

يا روح روحه جعل روحه فدالك




لا تبتعد عن عاشقك لالا تخليه

وحيد في دنياه وانته لحالك



العُمر فاني والدقايق لياليه

لا تخسره ياصاحبي من قبالك



انا سمير الهم ليلي اقضيه

والصبر كسّر كل حلماً يطالك




ما غير طيفك كل لحظه اناجيه
في خلوتي واتنشده كيف حالك ؟؟

الموضوع الأصلي: هذا غرامي سمّه اللي تسمّيه | | الكاتب: العبسي الغامض | | المصدر: شبكة بني عبس