الجادل اللي اختفت عني وأنا بيهـا=وش علمها ياعرب تكفون وش جاها
وش سبه غيابها عن شخص مغليها=قام يتوجـد عليهـا عقـب فرقاهـا
لا حاول يسج عنها جـاه طاريهـا=مافيه امل يلتهـي عنهـا وينساهـا
تامر على القلب بالسرعـه يلبيهـا=مالوم أنا القلب لـو عجـل ولباهـا
رعبوبـه بالحسـن ربـي محليهـا=وكل الوصوف الجميله من مزاياهـا
رعبوبه عزهـا مـن عـز واليها=الله يستر عليهـا ويحفـظ اخطاهـا
لا سولفت بالحكي محلـى حكاويهـا=ودك تسمـع وتجلـس دوم وياهـا
سوالف الليل مـدري وش اسميهـا=وسوالف الصبح تحلى من شفاياهـا
كلي فدى عيونهـا كلـي فداويهـا=لو تطلب العمر جعله مـن فداياهـا
لكن تعـود وترحـم حـال هاويهـا=اللي نسى كل هالعربـان واغلاهـا
لي