ضايق البال ما يستانس الحالـه
وانت لاغبت عني كني الحالـي
جتك الاشواق رجليّـه وخيالـه
غير الاول تحمّل شوقي التالـي
ليت من قال متعب خابت امالـه
شاف بعيونك الخدرات منزالـي
واحد ٍ فيك ما هو منشغـل بالـه
اشهد انه بها الدنيا هو السالـي
راوي العود يزهالـك وتزهالـه
عاد من يقدر يلومه إليـا مالـي
صاحبي والقصايد فيـك مختالـه
وأنت لك حق فيهن يوم تختالـي
دام نفسك لحـب الشعـر ميالـه
ليه ما صير شاعر وانت في بالي
من تمناك لا تنشد عن احوالـه
كيف عقب العسل يستطعم الحالي
عقبك النفس مذعوره ومهتالـه
سود الايام هزت برجي العالـي
لكن القلب من يمك علـى حالـه
في تناسيك ليه اكذب على حالي
قلت لك نعمة النسيـان زوالـه
ذكرياتك بعضهـا قـام يبرالـي
كل ما مرني طيفك علـى فالـه
قلت يا مرحبا في ريحة الغالـي
شلت همك وهمي ماحـد ٍ شالـه
كن قلبك غدى يا صاحبي خالـي
لشاعري المفضل
متعب التركي
إبتعدنا وكـل ٍ راح فـي حالـه
بين هالناس لكن كنـي الحالـي