مخضب العلط
من هجوس مثل ريح البختري والزبـــــاد = هيجنت قلب المواطن على حب وطنه
وردت واصل المعاني من ربوع البــــلاد = وصدرت في جوهر الشعر مئة سنــــه
كنها من صيفة الخيل وايام الطـــــــــــراد = وكنها من نهضة القرن وسبات فتنــــه
صورت وجه الحقيقه من خاض الجـــهاد = للوطن والدين لين اكتملت كل سننــــــــه
ببلاد الي وطاها قدام خير العبــــــــــــــاد = هديها منهج محمد لازاغت عنـــــــــــــه
لين جاها مخطب العلط وشذور الحـــــداد = الزعيم الي وسيع الفيافي ماشحنـــــــــــه
سار ابو تركي على خيار الجيــــــــــــــاد = وحد الي على كون الكون وبليس لعنـــه
وطمن الروس العنيده عقب طول العنــــاد = يوم شد الاجرد الي مع الحق قرنـــــــــه
واقبلت مثل الضحى الي طرد وجه السواد = واشرقت شمس العدل والجهل ولى زمــنه
من ثراها يعرف الخير ودرب الرشـــــــاد = ومن سماها الخصيم المنايا مهجنـــــــــــه
كم غزاها طامع ثم عود مســـــــــــــــــتفاد = غير ياس يكسر الباس ويهد بدنــــــــــــــه
وسورها حي الخلف عن صباح وعن هجاد = كل غالي دونها ماحسبو زود ثمنــــــــــه
واستوت في مركب المجد ترقى للسنـــــــاد = لين غناها الفخر واصبحت كل لحنــــــــه
واجهد التاريخ يكتب من فعل الوكـــــــــــاد = ماتواني بس فعل البلاد اكثر منـــــــــــــــه
قلتها والشعر يقدح مثل قدح الزنــــــــــــــاد = مصدره قلب غيور على حب وطنــــــــــه
قصيده قالها الشاعر معيتق عبدالرحمن العويمري الرشيدي
بمنا سبة مرور مائة عام على توحيد المملكه العربيه السعوديه
على يد المغفور له جلالة الملك عبدالعزيز طيب الله ثراه000