السلام عليكم ورحمة الله وبركاته
تفضـلوا وان شاء الله تعجبكم
بالله ياوقت لاتبكي على شاني
.................................. وانا عليك السنين السود حدتني
تبي نصيحة لحد يبكي على الثاني
.................................. شف دمعتي من سواتك وين ودتني
عشمتني فيك لين الصبر خلاني
.................................. واشغلتني واجمل الضحكات هدتني
عرفت ياوقت طيبي وين وداني ؟
.................................. شف دنيتي من همومك كيف صدتني
حياك ياوقت خلك جالس وزاني
.................................. بـ صارحك لو بيوت الشعر ردتني
واللي بقلبي يقوله دايم لساني
.................................. دام القوافي على فرقاك شدتني
عجزت لأنساك حـاول بس تنساني
.................................. تعبت من سبتك والناس عدتني
وانته وجودك بقربي سبة احزاني
.................................. مابيك ياوقت وظروفي تحدتني
يالله عسـى مايجي يوم(ن) وتلقـاني
.................................. ياللي عليك السنين السود حدتني
وسلامتكم