[ناصر خنيفر]

اقتباس من مشاركة معيوف ابن زهيميل هذه الابيات موجهه للعمدة ،آمل أن تنال استحسانكم:: العمدة اللي يتعب الهجن والخيل= بسباق وألا في نهار الطرادي هو جدي وألا يمّته.. يمّة أسهيل= لن ذعذع الشرقي نسيم البرادي وأعطى البراد ورش وبل الهماليل=قلب المهاوي حب شوف البوادي وتْساوقتْ عوص النجايب إلى الليل=فوق الجلاد وفوق بيض الحمادي هذي مناكيفٍ وهذي مقابيل= مثل الزعيري..من عمود .الجرادي ومال الهوا بغصون دوحٍ مظاليل= على صلافيح الرجوم الحدادي مدري على باله تجي ظفة النيل= وألا على باله ركوب الشدادي معيوف ابن زهيميل

صح الله ا لسانك وسمحلي بالمجاراه

اهلا هلا يابن الرجال المشاكيل= ترحيب ممزوجن امسك وزبادي
والذ وحلا من قراح المساييل= من مرزماتن سيلن كل وادي
وحلا من الغند المصفا وماقيل= من الحلا بالشرب ولا بزادي
ومن بعدها نعطيك بعض التفاصيل = عن الهوايه ياكريم الايادي
اهوايتي خوت نشاما الرجاجيل= اللي مشاهدهم يسر الفوادي
شرواك بالاذكار يابن زهيميل = وشروى الرجال اهل الشيم والمبادي
مع خاين ماتشوف فيه الازاويل = الا ام سالم وسط روضن تنادي
من الطرب ترسل جديد الموايل = والعشب كاسن ضلعها والحمادي
وتوليع نار وجيب زين المعاميل= وقلط عليها اللي يعرف القنادي
والكيف ديرلشاربه والتعب زيل= ودار الكلام اللي يسر الفوادي
جهز غداهم بعد سوق الفناجيل= وقلط وفوقه من كبار الثنادي
برق الحبار اللي ترب الدهاكيل= اللي خلط ريشه خفيف السوادي
صيد الحرار وصيد من تفني الجيل= بالطير ولا مصقلات الهنادي
والجو لابارد ولا محتم ٍ حيل = جون على كيفك ولابه نكادي
ولا المحبه بعتها للجماميل = اللي تذيع اسراها بالروادي
اللي نهايتها بلاو وبهاذيل = وان قلت غادي قال ماني بغادي
وسلم رعاك اللي دمر غزوت الفيل= محيي عظام ٍ باليه كاسمادي