اليـا خـذا مـنـك ذكــر طيـبـك بغـيـب
واليـا عطـا مــا قــال: هــذا عطيـتـه
ماجيتـه اشكـي قـل مــال ومواجـيـب
جيتـه ادوّر شـي (( ابيـه ولقيـتـه ))
جيته احس انـي مـن الضيـق مانيـب
قــادر ارد مــن النـفـس مــا خـذيـتـه
مـرت ثـلاث سنيـن شـعـر ومكاتـيـب
فـي درب مــا احـبـه ولـكـن مشيـتـه
في عيون جمهوري وعشاقي مصيب
وفـي عينـي اكبـر ذنـب ذنـبٍ جنيتـه
اصبحت شاعـر لـه حفـاوه وترحيـب
كسبـت فـوق اللـي حسـبـت وهقيـتـه
لكن خسرت انسان خالي مـن العيـب
والمشكلـه انـه مـا جفانـي .. جفيتـه
انسـان غيـر وشفـت غيـره عذاريـب
انـسـان يــوم انــي خسـرتـه بكيـتـه
لـو القصيـد اللـي خـذا قربـه يجـيـب
بـعــت القـصـايـد كـلـهـا واشتـريـتـه
يالشعـر لا يانـاس روحــوا منـاديـب
عـنـدي كــلام ارتــاح لامــن حكيـتـه
قولولـه: انــي مـانـي بـقـادر اغـيـب
الـبـعـد عـنــه هـدنــي مـــا قـويـتــه
قولولـه: انـي عفـت كــل الرعابـيـب
الشـاهـد الله مــا عـشـقـت ونسـيـتـه
قولولـه: ارجـع للضلـوع المصاويـب
للحـيـن تـرجـي مــا بـنــاه وبنـيـتـه
الشمس وهي الشمس كل ليله تغيـب
وشـلــون مـــا يعذرغـيـابـي فـديـتـه
وكانـه قبـل عـذري فـدتـه المعـازيـب
والشـعـر كـلـه مــا كتـبـت وقـريـتـه
لتحميل القصيده اضغط على اسم الشاعر
دمتم بحفظ الرحمن
الاماكن
