ادري ان مالالكبيـر الا الكبيـر
الـرجـال تـقـاد والا قـايـده
اكره اثنيـن : المنافـق والحقيـر
تستغـل طيـب الرجـال الرايـده
ان مدحت امدح وانا وجهي سفير
مدحـتٍ للحـق ماهـي سـايـده
وكانها ماجات من قلب وضميـر
مدحتـي ذمـه بحـقـه كـايـده
وش علي ان صاد له طيرٍ يطيـر
لاهـو بطيـري ولانـي صايـده
من خلقن الله احب اكـون غيـر
ما احـب اكـون حاجـه زايـده
الفقر ماعـذرب اخـلاق الفقيـر
في السنيـن الحاضـره والبايـده
في الزمن اشياء تعني لـي كثيـر
التمـام الشمـل حـول المـايـده
ومنظر البسمه على الطفل الصغير
فـي نهـارالعيـد يـوم تعايـده
قلتها وعذري يصير اللي يصيـر
كـلٍ راسٍ يرتـخـي لوسـايـده
انتـبـه ويــاي للبيت الاخـيـر
اسمعـه منـي ولانـي عـايـده
تدري وش معنـاة رجـالٍ حقيـر
من يصاحب رجل لجـل الفايـده
لتحميل القصيده اضغط على اسم الشاعر
دمتم بحفظ الله ورعايته
الاماكن