بسم الله الرحمن الرحيم
اعزائي أعضاء وزوّار وقرّاء
منتدى شبكة بني عبس
السلام عليكم ورحمة الله وبركاته
أقدم لكم هذه القصيدة التي كتبتها
بسيدي خادم الحرمين الشريفين الملك /
عبدالله بن عبدالعزيز آل سعود حفظه الله
والقصيدة كانت تكمله للبيت المشهور
سقى الله روضة التنهات روضة كاسب الطولات
بسيلٍ في عروض العرق الأعلى بانت حدوده
واعجبني البيت وكتبت تحته
سقى الله ديرة آل سعود ديرة كاسب الطولات
بسيلٍ يسقي الوديان ويْجرح له حدوده
عسى مزنٍ تجمّع في سماها ما يروح شتات
ويلوح البرق في غرّ المزون ادندن رْعوده
ويمطر فوق دار أهل الوفا والعز والفزعات
وحتى إن الشجر يخضرّ به وبل الحياء عوده
ويعم الخير وسط الدار حتى تكثر الخيرات
وتنعم كل دار بخير رب الكون ووعوده
يادارٍ قدرها عالي وباسمك نرفع الهامات
وصرتي للقصيد العذب مغزى شعر وانشوده
ملكها الفيصلي حتى مشى فيها عزيز الذات
تحكّم في رسنها صوب دار العز ويْقوده
تراك الغايه الأولى وطنّا آخر الغايات
من حدود الشمال وْللجنوب أبعد من السوده
بعزه خادم البيتين حنّا نرفع بالرايات
وكل الشعب ردد له ترى فرحان بوجوده
كريمٍ بالسعه زيزوم لا من كثرت الجولات
حمى دار الوطن والأمن يزخر دوم بحدوده
وخلا كل فقر يْزول حتى قوّم ابنايات
وصرنا بين كل العوالم نفخر بْجوده
وله هقوه سليل المجد زايدةٍ عن الهقوات
جمع كل الخصال اللي بخلق الله محموده
بعزك يا حبيب الشعب حنا ننعم بخيرات
أبو متعب ترى كل العرب تشكر له اجهوده
تهنّي به وطنّا وافخري به سيد السادات
زعيمٍ له مواقف مع جميع الناس مشهوده
وســـــــــلامــــــــــــتــــــــــــــــكــــــ ــــــــــم