تخيل تزعجك نظرات عيني
وتسكن في صميم القلب دايم
حبيبي كيف تتناسى حنيني
وحبك في عروق الجسم حايم
دواي ان لامست كفك يديني
وتاتيني وانا صاحي ونايم
جروحي فارقت باقي سنيني
وقلبي قام يرسل لك نسايم
نسايم حب خطتها يميني
على وجه البحر والموج زايم
نقط تفتيش في حبك تجيني
وبسمك سجلت كل القسايم
خذيني يا تعابيري خذيني
الى حد الجنون بصوت هايم
حبيبي كيف تتناسى حنيني
وانا اغني لجل عينك يا لايم