[أنـآ الـتـآريـخ]

هاي ..

أول شي الحمدلله على كل حال .. فريقنا قدم وما قصر .. عدا لاعب واحد! .. وهو ( نوال الكويتيه " السهلاوي " ) .. قياساً بالطرد اللي جاء في بداية المباراة .. أقدر أقولك حشرنا الشباب حشر .. نجومنا .. غالي+ قرني + فيقي .. هم اللي صنعوا الفارق! .. القرني شايل دفاع النصر شيل .. أغلب الكور خلصها .. سواءً .. رأس أو غيره .. وغالي الوحححش .. دينمو الفريق! .. دفاع وسط هجوم تلقاه .. ويا كثر ما لقم لعيبتهم .. يااااااوك وأنا أشوف جسمه .. ماشاء الله وش ذا المرونه .. وأتخيل الموسم الماضي .. عاطان باصات وحرك اللعب ما قصر .. اما فيقي .. اشتغل اليوم شغل غير طبيعي .. وش ذا التقليب اللي صار؟! .. وش ذا الشوتات اللي سواها! .. ب إختصار كان خبل < خانه التعبير هنا .. مهاري بشكل كبير .. وعرف كيف يتخلص يقلب الأول .. ويجيه الثاني ب كل بساطة تلقاه منقلب مع اللي قبل .. وعلى طول يعلق وليد عبدالله ..
أما الرجل الثلجي .. ياخي خاف الله فينا! .. لعنبوك أصواتنا راحت اقسم بالله! .. ياخي أبي أفهم وش ذا البرود اللي فيك؟! .. يا جماعة يمكن " 6 " مرات أو أكثر .. تنقطع الكورة من عندنا .. وتلقونه ورى مدفاع الشباب! .. يعني لو قطعناها وعطيناه اياها تسلل واااضح! .. طيب تحرك لاتجلس تتمصيل وتكون باارد .. تحرك سريع سريع .. الجمهور يصايح عليك وأنت قعد تتمخطر! .. كم مرة ه الحركة صارت منه .. تحرك ياخي .. شف لك صرفة .. دام الدعوه كذا امسك الدكه زي غيرك .. الجمهور يصايح ريان ريان .. والمدرب ولا كنه يسمع! ..
سعد اليوم كويس صراحة! .. دخل وتحرك ماقعد زي أي مباراة يتمخطر .. ياخذها من النص إلى مرماهم .. لو يصير دايم كذا..
أبو عمر اليوم كبيير .. أي كورة " مان تو مان " .. يكسبها .. يرجع يرجع يرجع .. وبعدها ينقض على فريسته..
//

الحكم اليوم زفت .. كوع لاعب الشباب على حسين + فاول يمكن عند القوس رجعه ورى! + كل الكروت على لعيبة النصر + كل دقيقة لاعب طايح .. ياخي طلع اللاعب برى .. زي الدوري الانجليزي .. ينكرش برى ويعالج ..
//
يا لبى قلب جمهور النصر .. بعد المباراة والفريق خسران قعدوا يصفقون ويغنون! .. ويجي كحيلان وخذ تصفيق! .. وبعدها جاء العنزي وهو يصيح! ( لو أني أنغبنت منه بس يالله صغير وبكره يتعلم وننسى .. وبرضوا تصفيق .. وأغلب الجمهور اليوم فرحان ب المستوى! ..
يارب توفيقك ضد الهلال يارب .. مشكور عايد سسسسسسسسلام يا عين أبوي