السلام عليكم اخوي والله يعطيك العافيه على المجهود الطيب
اولا مايجوز نقول عن بنو رشيد الشمامره خوارج لان الخوارج غير يااخوي
وحبيت اكمل قصيده سعد بن حمده المشعيلى من قبيله حرب يصف المعركه لانه كان ضيف عند المضابره يقول
حزه طلوع الشمس جانا بالهذيـــب
منقيه يفكرك كثر حسابها
من الدواسر لصليب الى القـــــليب
في عبلة والملح غطي هضابها
وشفت الظفروالفعل والحس الصليب
ربع عزاويها تسرا قرابها
فعل يخل الطفل من هوله يشيب
اولاد مضبر والرصاص حرابها
تحابسوا في وسط حلوات الحليب
لين اظهروها غصب من طلابها
صارت قلايعهم بكثلات السبيب
الحظ طيب والرصاص اسبابها
وابن حنيه يعتزي بأصل عريب
حظه كبير وبندقه قد جابها
واخوه اللاصقه قلت والشر العطيب
يضرب دروب كايد مضرابها
يالله دخيلك عن ترديه النصيب
يوم القلايع شفت كلا جابها
ياذيب ,ياذيب المقوقي لاتغيب
خلك حول محيوه وهضابها
والضبع والطير خل له الشعيب
والضبعه اللى كاشرات نيابها
ابن حنيه: فارس من المضابره
المقوقي : اسم جبل
محيوه : اسم هضبه
المصدر موسوعه القبايل العربيه لمحمد سليمان الطيب
؟