صديت أداري دمعتي في عيوني=يا دمعة المحروم كم عشت حرمان
عشت بحياةٍ موحشه صدقوني=عانيت من صغري ألم هَم واحزان
والحظ الاقشر والقدر قيدوني=ماهو بذنبي لا تقولون خسـران
هذا القدر مكتوب .. لا تجرحوني=يكفيني اللي شفت ما شافه إنسان
بلا ولد .. ولا تلد .. عيروني=وش حيلة اللي للضنا حيل شفقان
ياليتهم يوم إهجروا قـدّروني=أو ليتها بيدي وأنا أكون غلطان
ياليتهم حنّوا ولا قاطعوني=أو ليتها بحسابهم زلة لسان
تعمدوا جرحي وبعدها جفوني=حسبي عليهم وينها عشرة ازمان
ياحظ ضاع الصوت دونك ودوني=وحلمي رثيته والقدر جاب الاكفان
صح لسانك أخوي الاجهر
على الابيات الوافيه
والتصوير الجميل
والله يرزقك ويوفقك ويسعدك في حياتك
تقبل تحياتي