[وحيد]

دايـم تبسـم تفتكـر انـك اسلـوب

وانت الذي ضيعـت درب المدينـه

هاقي بنفسك ؟ لا تفشخر ياحبـوب

عمر العمى ماشاف لو هـي يدينـه

ماتدري انك ناقـل ٍ كـل عـذروب

لو تضحك سنونـك نوايـاك شينـه

ادري وانا اللي عارف ٍ نوع هالثوب

تلبس من ثيـاب الجهـل والسكينـه

وين انت غادي دربك اليوم محجوب

والله لجيبـك لـو دروبـك مشينـه

الحر يوفي والوعد صـار مكتـوب

والليلـه السـودا دروب ٍ مهيـنـه

كم غيمة ٍ يشفق لها ظامي الطـوب

يسقي ثراها مـن هطـول الحزينـه

لكن عرفتك مايجي منـك مرغـوب

تسعى ورا صيـد العلـوم السمينـه

عندي دواك وعلتك تلـزم طبـوب

اسمـع كـلام اللـي يعـد الثمينـه

اللي الا مـن جابهـا يمـك اتـوب

وتبعد عن دروب الجهـل واللعينـه

لحظه ياعين امك ترى القاف مشبوب

مير العن الشيطـان ذيـك السفينـه

فارق ترى هالنفس ماتعرف هروب

تدق خشـم اللـي نـوى يستهينـه

الموضوع الأصلي: وين انت غادي | | الكاتب: وحيد | | المصدر: شبكة بني عبس